My first attempt at poetry

Do bar mukar chuke the wo, aaj teesra mauka tha

Wo to apni taraf se imaandar the, na koi chal na dokha tha

Ham hi kaafi arse se ek aas leke baithe the

Bina ghee aor baati diye ke jalne ka intezaar kar baithe the

 

Bahut soch samajkar likhe the hamne ghar par panne

Socha tha milkar, kisi tarah apni baat kahenge

Magar thode hairan hue jab pata chala ki

Ham jinka intezaar karte he, wo kisi aor ke intezaar me hai

Muje sirf ek choti si shikwa hai,

De de agar muje bas ek mauka tu

Bata du me tuje ki me tere liye kis tarah se khaas hu

 

Me taiyar hu teri har hasi har aasu me saath dene ko

Tere sar pe aai har kayapat ko apne sar lene ko

Pata nahi kyo bol nahi pata me kuch saamne tere

Warna tuje pata hota ki duniya koi insaan aisa bhi hai

Jiski hasi bhi tujse hai aor har cheez khaas tujse hai

Teri liye jo duniya se ladne ko taiyaar ho

Khud bhale wo narm dil ho magar tumhare dushmano ke saamne jo ek dhaal ho

Pata ho…

Pata ho ki haar tay hai, par ishq me mitne ko taiyar ho

 

Muje dekh kar tujko na pata lag sakega kabhi

Ki andar tere liye chal rahe tufan aor bawandar hai

Darta hu behad ki kahi dil khol ke rakh du to

Tuje paane ki chahat me sab kuch bol du to

Kahi wo dosti na tute jo muje behad ajeej hai

Tu rooth na jaae kyoki yeh saaf hai ki shayad muje manana nahi aata

Tujse baat karne ki azadi ko khatm karna me nahi chahta

 

Teri meri kahani shayad likhi jaani hi nahi

Ya phir teri aisi jid hai ki meri waani hi nahi

Na dobe hote har baar sahil ke kinare ham

Ek mauka jo tune hame de diya hota

kya pata sahil se Rishta hamne jod diya hota

 

samaj sakta hu me tumhaare man ki baat bhi shayad thodi

tu ek heera aor me ek koyle ka tukda hu, jisko taap aor dabao me rehna hai abhi

tabhi jakar kal vo shayad chamkega

jab me khud ko utha na paya is umra tak,

to tere se muje kya koi shikwa hai

kya hi farak padta hai ki meri nazar me tu aaj, kal aor hamesha ek chamakta heera hai

 

Aaj jabse lauta hu, man bahut udaas hai

Kyoki toot gayi ek lambe arse ki aas hai

Hara hu Zindagi me kai baar aaj tak

Magar ye wali badi khaas hai

Kyoki na chot ke Nishaan na koi daag hai